HATAW! D'yaryo ng Bayan hatawtabloid.com
ni Pilar Mateo
FINDING his own voice! Ito na nga ang nasa agenda ng balladeer na si Gerald Santos sa pangangalaga sa kanyang singing career.
Gaya ng gustong sabihin ng kanyang Kahit Ano’ng Mangyari all-original 4th studio album, hindi pa rin susuko ang binatang magse-celebrate na ng kanyang 10th year in the business.
May mga balita kasing kumalat na nag-a-apply si Gerald sa iba’t ibang estasyon sa ngayon.
“Freelance artist naman po ako. Kaya may times na nakikita ako sa guestings ko sa sari-saring networks. May times lang na nakakasunod-sunod ako sa isa. Pero kung mayroon namang talagang mag-aalaga at maniniwala sa kakayahan ko, maganda rin ‘yun.”
On February 13 and 14, 2015, makikipagsabayan si Gerald sa mga artist na magkakaroon ng kanilang Valentines shows in the metro.
“Ako naman po mas pinili ko to celebrate those two nights sa nga nagmamahal sa akin here sa Serendipity Lounge ng Discovery Suites na piano ang kasama ko at mga standard naman ang kakantahin ko. Michael Buble ang peg at sisiguruhin kong masisiyahan sila sa mga song na magiging treat ko sa kanila.”
Wala raw special date sa two nights na ‘yun ang nagsasabing sa career pa rin niya siya naka-focus.
Napanood namin ang latest MTV ni Gerald for his Sa ‘Yo Lang carrier single. At si Danita Paner ang napili niyang maging leading lady sa nasabing music video.
Ang sexy ng video na ginawa ni Migz Tanchangco na naglabas sa seksing abs ni Gerald. Na malamang eh, abangan ng mga tagahanga niya in his All of Me Valentines show na hatid ng Showbiz Mansion Entertainment with the help of Redlife Entertainment Productions and TS Productions.
