HATAW! D'yaryo ng Bayan hatawtabloid.com
ni Tracy Cabrera
INARESTO ang isang 42-anyos na Australian tourist makaraang isuplong na siyang pumatay sa 17-anyos dalagita na umano’y kumagat ng kanyang ari sa Dipolog City, Zamboanga del Norte.
Ayon sa inisyal na ulat, dumating sa Dipolog ang suspek na kinilalang si Ali Ali galing ng Melbourne, Australia nitong nakaraang Enero 28. Nagkakilala umano ang biktima at ang turista sa online at hiniling ni Ali sa dalagita na sunduin siya sa airport matapos magpadala dito ng halagang AUD$50,000.
Mula sa airport, nagtungo ang dalawa sa isang pension house ngunit makalipas ang dalawang araw ay natagpuan na lamang ang biktimang hubo’t hubad at patay na sa loob ng kanilang inupahang silid.
Nakitang may tama sa ulo ang dalagita na maaaring naging sanhi ng kanyang pagkamatay.
Tumakas umano si Ali matapos ang krimen at nadakip sa Dumaguete City ng mga awtoridad.
Nang siyasatin, sinabi ng suspek na nagkaroon sila ng pagtatalo ng dalagita nang pagkamalan niya itong isang transgender, at humantong sa panga-ngagat sa kanyang ari ng dalagita.
Nahaharap ngayon si Ali sa kasong murder.
