Arnel, tinalo ang may 100 driver sa car race

ni Ed de Leon

IPINAGMAMALAKI talaga ni Arnel Ignacio iyong kanyang karanasan sa isang car race na kanyang sinalihan. Noong una Raw, parang maliit ang tingin ng mga macho niyang makakalaban, dahil alam nga nila kung ano si Arnel. Pero nang maglaon, tinalo sila ni Arnel. Nang matapos ang karera, third place si Arnel, at tinalo niya ang mahigit na 100 drivers.

Hindi nila alam na si Arnel ay talagang mahusay mag-drive at isa ring car enthusiast. Maraming koleksiyong kotse si Arnel. Pero hindi naman siya puro car racing lang. Bukod sa iba pa niyang negosyo, ngayon abala si Arnel sa bago niyang TV show, iyong Solved na Solved sa TV5, kasama sina Gelli de Belen at Atty. Mel Sta. Maria.

Sa show, natural si Arnel ang comedian, pero sinasabi nga ni Atty. Mel, maraming mga practical advise na ibinibigay si Arnel sa mga kaso, kasabay din ng kanyang pagbibigay ng payong legal sa mga iyon.