HATAW! D'yaryo ng Bayan hatawtabloid.com
TILA bulkan na sumabog si Jomari Yllana sa naging post niya sa Facebook kamakailan. Tahimik na tao ang guwapong actor, kaya nagulat kami sa naging post niya ukol sa pagkasawi (na itinuturing ng marami bilang massacre) ng 44 na magigiting na kasapi ng SAF sa nangyaring enkuwentro sa Maguindanao kontra sa tropang MILF at BIFF.
Narito ang post ni Jomari sa Facebook na tinawag niyang ‘Pinakatangang presidente’ si Pnoy:
“Ang akala nila, parang vi-deo game lang… Nag-ensayo lang at pinasubukan… Sigurado ako, kahit dati na hindi ka corrupt… Pero, garantisado na ako na isa ka ngang tanga! Lahat ng nasa gabinete mo mandarambong…
“Sana, pagkatapos dumaan ng sasakyan ninyo sa daan na nagkukunwa-ring matuwid ay dumeretso na rin ito sa impyerno… Kasama ng mga dayuhang mapuputi na napakahusay magsinungaling… Napakahusay na mandurugas at napakahusay mag-angkin ng lupaing hindi kanila…
“Ikaw na!!! Ikaw na ang pinakatangang presidente sa kasaysayan ng Pilipinas!!!”
Mainit na isyu ito at marami ang bumatikos kay Pnoy at sinisi siya sa maling paghawak ng operasyon sa pagdakip sa terrorists na sina Zulkifli bin Hir at Abdulbasit Usman.
Naiintindihan naman natin kung lalong nagpuyos ang damdamin nang marami dahil imbes na sumalubong sa pagdating ng mga labi ng tinatawang ngayong Fallen 44 sa ginanap na honors ceremony sa Villamor Air Base, mas inuna pa ni Pnoy ang magpunta sa pagpapasinaya ng isang car plant sa Laguna.
May ilang mga bumatikos sa post na ito ni Jomari, pero sa aming palagay ay mas marami ang pumuri sa aktor sa ipinakita niyang tapang.
Kabilang kami sa humanga at sumasaludo kay Jomari.
Astig ka talaga Jom !!!
ni Nonie V. Nicasio
