Mga nanambang kay Cristina, pinakakasuhan na ng attempted murder

 

ni Alex Brosas

MASAYANG-MASAYA ang businesswoman na si Cristina Decena nang lumabas ang resolution para kasuhan ng attempted murder ang ilang tao na nagtangka sa kanyang buhay more than a year ago.

Natanggap ni Cristina ang resolution noong Wednesday ng hapon.

“Dasal lang ako ng dasal for more than one year. Ni hindi ako nag-follow up, basta dasal lang ako ng dasal. Iyak ako ng iyak kasi mayroon palang hustisya,” chika sa amin ni Cristina over the phone.

Sa nakita naming resolution ay pinagpipiyansa ang lahat ng kasama sa attempted murder ng P120,000 para sa pansamantala nilang paglaya.

Tuwang-tuwa si Cristina kay Quezon City Prosecutor Donald Lee dahil sa pagiging fair nito.

“Hindi lahat ng piskal ay nababayaran. Kumapit ako sa hustisya, sa merito ng kaso, ‘di ako naglakad. Mayroon pa ring chief prosecutor na huwaran at karespe-respeto,” sabi niya, referring to fiscal Lee.

Actually, lumaki ang gastos ni Cristina mula nang tambangan siya. Ngayon, hindi na siya nakakalakad ng walang bodyguard. Bullet proof na rin ang mga damit na isinusuot niya, talagang ibayong ingat ang kanyang ginagawa dahil sa pananambang sa kanya.