HATAW! D'yaryo ng Bayan hatawtabloid.com
ni Roland Lerum
HANGGANG ngayon, hindi pa rin daw malilimutan ng mga celebrity na nagkaroon ng pagkakataon na makaharap si Pope Francis ang pambihirang karanasan na makausap o makaharap nang malapitan ang ikalawang tao na sunod kay Jesus Christ.
Si Kris Aquino ay nakipagkwentuhan pa kay Pope Francis nang ipagmalaki niya ang rosary na ibinigay nito kay Bimby nang magpunta sila sa Vatican noon.
Si Jamie Rivera naman ay panay pa rin ang hibik kapag naalala na pinuri raw ni Pope ang kanta niyang nilikha para rito, ang We are all God’s Children. Ewan kung sinabi niya kay Pope na siya ang “Inspirational Diva” na inamin niyang si Ron Romulo raw ang unang nagbinyag sa kanya!
Sina Jed Madela, Angeline Quinto, Erik Santos, at Darren Espanto ay mesmerized pa rin hanggang ngayon kay Pope na kinantahan nila. Feeling blessed silang lahat. Lalo na si Erik na binigyan pa ng rosary ni Pope. Araw-araw daw niya itong ginagamit sa pagdarasal.
Si Nora Aunor naman ay nanghihinayang na magkaroon ng audience with Pope dahil ng hapon na makakaugnayan sana niya ito sa UST Grandstand, doon naman siya nagkasakit. Sabi ng doctor, ipahinga na lang niya ang pagsisikip ng kanyang dibdib at hindi maayos na paghinga. Pero sabi ng mga kaalyado ni Ate Guy, mali raw ang naisulat na inisnab daw niya si Pope Francis! Excited nga siyang makaharap ito dahil isa siya sa anim na napili ng Philippine Conference in New Evangelization para makaharap ang Santo Papa sa UST.
