HATAW! D'yaryo ng Bayan hatawtabloid.com
ni John Fontanilla
SOLO flight at walang lovelife ang award winning actor na si Kristoffer Martin sa pagdiriwang ng Kapaskuhan dahil single pa rin siya at hindi pa nakahahanap ng panibagong pag ibig.
Pero hindi naman daw problema ito kay Tun Tun (palayaw ni Kristofffer) dahil puwede naman daw niyang i-celebrate ang Kapaskuhan kasama ang kanyang mga mahal sa buhay, kaibigan, at kamag-anak.
Choice niya rin naman daw ang maging single muna para na rin makapag-focus sa trabaho at sa pag-aaral. Alam naman niya na darating din at bobongga muli ang kanyang buhay pag-ibig, pero sa ngayon, focus muna siya sa taping ng Tunay na Ina, ang kanyang bagong serye sa GMA 7at sa Sunday All Stars and most of all, sa pag-aaral niya sa San Beda.
Hiro, nag-eenjoy sa pagbo-boses sa Anime!
ALIW na aliw sa pagda-dub ng Anime ang teen actor na si Hiro Magalona Peralta na boses niya ang ginagamit sa lead actor sa sikat na anime Kamen Raider na napapanood sa GMA 7.
Tsika ni Hiro, rito niya napa-practice nang husto ang kanyang boses para mas magkaroon ng tamang timpla ng pag-arte na boses lang ang gamit.
Ito nga ang pinagkakaabalahan ni Hiro bukod sa pagiging bagong dagdag nito sa remake serye na Yagit na badboy ang role niya.
Kambal na anak, inspirasyon ni Joel Cruz!
BACK to work na muli ang tinaguriang Lord of Scents na si Joel Cruz pagkatapos ng ilang linggong pamamalagi sa Russia para na rin kagustuhang magkaroon ng anak muli at masundan ang cute twins na sina Princesa at Prince.
Sobrang busy nga ni Joel dahil sa mga naiwang trabaho at dahil na rin sa nalalapit na ang Kapaskuhan, pero keri ito ni Sir Joel dahil alam naman ng lahat kung gaano ito ka-hardworking .
Inspirasyon ni Sir Joel sa kanyang trabaho ang twins na siyang mga magiging big boss ng kanyang mga negosyo at ang mga ito rin daw ang dahilan kung bakit mas nagkaroon ng kulay at sobrang saya ni sir Joel.
