HATAW! D'yaryo ng Bayan hatawtabloid.com
Kinalap ni Sandra Halina
BINANSAGANG ‘the most beautiful girl’ sa mundo ang batang si Kristina Pimenova, ngunit ayon sa kanyang ina, ignorante ang 8-anyos na Russian supermodel sa kanyang katanygagan at karangalan.
Kilala sa catwalk simula pa lang nang 3-taon-gulang si Kristina sa kanyang pagmomodelo para sa Armani at Roberto Cavalli, at mahigit 2.5 milyong fans niya sa Facebook at 500,000 follower naman sa Instagram.
“She is a very modest girl, hindi niya alam kung ano ang parangal na ibinigay sa kanya—itong star-mania,” pahayag ng ina ng bata na si Glikeria Pimenova, isang dating modelo rin.
“Wala si-yang alam sa katgaang ‘popularidad’, hindi ito nababanggit sa loob ng aming bahay,” dagdag pa ng ina.
Isinilang sa Moscow noong Disyembre 27, 2005, ginugol ni Kristina ang unang mga buwan ng kanyang buhay sa bansang Pransya, na ang kanyang amang si Ruslan Pimenov ay isang football player para sa FC Metz.
“Ordinaryong dalagita si Kristina na pumapasok sa ordinaryong eskuwelahan sa Moscow.”
Ngunit bilang isang batambatang modelo, may busy schedule siya. Matapos sa eskuwela, nagpupunta siya sa gymnastics classes at nakakauwi lamang siya ng alas-8:00 ng gabi, pitong araw sa isang linggo.
Ayon sa ina ni Kristina, mahilig siya sa pizza at pancake at kapag may panahon siyang mamahinga ay nagbabasa din siya ng Alice in Wonderland, mga mitolohika ng Griyego at ang “The Little Prince.”
