Paul Salas, batang negosyante

 

ni Timmy Basil

SALUDO ako sa mga batang aktor na may pagpapahalaga sa perang kanilang kinita sa showbiz. ‘Yun bang bata pa lang pero iniisip na nila ang kanilang kinabukasan at isa na nga rito ay ang Kapamilya young actor na si Paul Salas dahil sa edad na 16 ay may sarili na itong negosyo although ang nagpapatakbo nito ay ang kanyang parents, ang dating Universal Motion Dancer na si Jim Salas at ang magandang maybahay nito.

Napuntahan namin ang pinagmamalaking coffee shop ng mga Salas, ang Travelbean na matatagpuan sa Mother Ignacia Street, ilang hakbang lang mula sa BPI Bank.

Masarap ang Iced Tea at ang Nachos ng Travelbean na pula at green ang kulay.

Maganda ang concept ng coffee shop ng mga Salas, para ka lang nasa sarili mong bahay, at may mga item or pictures na nabili nila sa kanilang pagta-travel abroad.

Graduating sa high school si Paul ngayon sa isang exclusive school sa may Cubao area. Pagkagaling sa school ay diretso si Paul sa Travel bean kasama ang kanyang mga kaklase ay doon nagtsitsikahan at nagkakape. Maige nga naman ito kaysa tumambay pa sila sa kung saan-saan.

Sa second floor ay may acoustic singer, kapag pagod ka ay puwede kang umidlip sa kanilang malambot na upan, parang nasa bahay ka lang.

Samantala, sa January ay uumpisahan na ang teleserye na kasama si Paul, anak siya ni Dawn Zulueta. Nakalimutan ko lang kung ano ang titulo.

Anyway, sa mga kabataang aktor na kumikita ngayon, dapat gayahin ninyo si Paul na in-invest ang hard-earned money sa negosyo.

Ang sabi pa ni Jim, happy siya sa takbo ng Travelbean, bukod sa paboritong tambayan ito ng mga estudyante ay paborito rin itong pagdausan ng birthday party at ilan pang special occasion at regular ding nagte-taping ang isang soap opera ng ABS-CBN.

Ang sabi ni Paul, wala pa raw siyang girlfriend at pag-aaral at pag-aartista raw muna ang kanyang priority.

Tama!