HATAW! D'yaryo ng Bayan hatawtabloid.com
ni Roldan Castro
ISANG dating Maleta Girl o tinatawag na 26k ng Deal or No Deal ang kinatawan ng Pilipinas sa Miss Asean 2014 na ginaganap sa kasalukuyan sa Chang Rai, Thailand (December 25 to 30). Siya ay si Ferina Juny-Ann Pascioilco Carpio, 23, at Masscom graduate ng Assumption College San Lorenzo. Nag-train din siya sa Kagandahang Flores (KF) ni Rodgil Flores kaya handa na siya sa international competition.
Sa Bangkok na siya nag-Pasko dahil sa competition pero bago siya umalis ay tiniyak niyang nagsama-sama sila ng family niya.
Ipo-promote raw ni Ferina ang kagandahan ng Pilipinas sa mga kapwa niya kandidata sa Miss Asean 2014.
“There’s so much to explore in our country, so many things to see and experience. I’ll prove them that it’s really more fun in the Philippines,” deklara niya.
“It will be a big honor and challenge for me to represent the Philippines. The pressure wil be there but I have the courage and experiences that I had gained these past years. I am also lucky that I have the full support of my parents and friends,” dagdag pa niya.
Posibleng balikan ni Ferina ang showbiz at umarte pagkatapos ng Miss Asean. Tinanong siya kung sinong akor ang crush niya?
“Piolo (Pacual),” mabilis niyang sagot sa kanyang press send-off party sa Luxent Hotel.
Hindi naman daw matatawaran ang kaguwapuhan niya at confidence na taglay ni Papa P. Tinanong din kung may boyfriend si Ferina pero tahasan niyang sinabi na exclusively dating siya.
Ayon sa national director of the Miss ASEAN Philippines beauty contest at President ng Megastar Productions na si Ovette Ricalde, ang Miss Asean beauty pageant lang ang contest na pumapayag na dalawa ang representative ng bawat bansa. Kaya kasama ni Ferina si Guillen Diaz, 18, isang Tourism student.
Goodluck girls!
