HATAW! D'yaryo ng Bayan hatawtabloid.com
ni Ed De Leon
NAGTATAWANAN sila noong isang gabi. Ang tanong kasi, ano ang pagkakatulad o pagkakaiba nina Mike Tan at Aljur Abrenica?
Roon sa pagkakaiba, si Mike Tan ay nananatiling loyal sa kanyang home network kahit na hindi nga siya masyadong nabibigyan ng break. Si Aljur, idinemanda ang kanyang home network matapos sabihing hindi niya nagugustuhan ang maraming breaks na ibinigay sa kanya.
Roon sa pagkakatulad, pareho silang hindi na napanood sa TV simula noong matapos ang ginawa nilang serye. Sabi nga niyong isang kausap namin, talagang bad omen daw naman kasi iyang sirena. Sabi pa niya, tingnan mo, nasaan na ang mga gumanap na Dyesebel, wala nang lahat maliban kay Vilma Santos. Iyon ngang leading lady nilang dalawa na si Louise delos Reyes mukhang nalunod na rin ang career dahil hindi na namin siya nabalitaan kung ano ang nangyari pagkatapos niyon.
