HATAW! D'yaryo ng Bayan hatawtabloid.com
ni Pilar Mateo
Anak na handang gawin ang lahat para sa kanyang ina ang karakter na gagampanan ng Bagito star na si Nash Aguas sa family drama episode ng MMK (Maalaala Mo Kaya) ngayong Sabado (Disyembre 27).
Mula pagkabata ay naging pangarap na ni Christian (Nash) na pasayahin ang kanyang nanay na si Liezel (gagampanan ni Ara Mina) na labis na nalugmok sa kalungkutan matapos iwan ng asawa. Nagsumikap si Christian na maging mahusay na mag-aaral at kalauna’y naging miyembro pa ng isang orchestra—isang karangalang inakala ni Christian na lubusang makapagbabalik ng mga ngiti ng kanyang ina.
Anong uri ng kalungkutan ang bumabalot sa isang tao para kitilin ang sariling buhay? Paano kinakayang maging malakas ng isang anak para sa isang ina na suko na sa mga pagsubok ng buhay?
Mapapanood din sa MMK ngayong Sabado sina Deydey Amansec, Archie Alemanya, Eva Darren, Casey de Silva, Jeffrey Hidalgo, Elaine Quemuel, at Jessette Prospero. Ito ay sa ilalim ng direksiyon ni Nuel C. Naval at panulat nina Arah Jell Badayos at Benson Logronio.
Mukhang this will be Ara’s best performance sa pagiging nanay. Hindi kaya magsunod-sunod na siya sa challenging role ng isang ina bilang kakasilang lang niya ng first-born nila ni Bulacan, Bulacan Mayor Patrick Meneses na si Amanda Gabrielle?
Ang ganda namang nanay nito sa mga bagong henerasyon ng Star Magic artists. Nasimulan na ni Nash!
