Panaginip mo, Interpret ko: Ahas na humabol pinagtatataga

Gud pm,

Ask lang po nanaginip ako ng ahas hinabol ako pero pinatay ko ito hinati sa marami ano pong ibig sbhin?? minsan n akong nanaginip ng ahas kinagat ako may nanira sken gnto rin n nmn kya ito !? Tnx po (09235292777)

To 09235292777,

Ang ahas sa panaginip ay may kaugnayan sa mga nakatagong takot at pag-aalala na nagkakaroon sa iyo ng malaking epekto. Maaaring ito ay babala na may padating na bagay na hindi mo pa alam dahil hindi pa ito lumulutang, subalit mayroon itong malaking koneksiyon sa iyo, kaya dapat kang mag-ingat sa sarili o sa pinansiyal na bagay. Alternatively, ang ahas ay maaari rin namang simbolo ng temptation, at ng dangerous at forbidden sexuality. Kung natakot ka sa napanaginipang ahas, ito ay maaaring nagsasaad ng pangamba mo ukol sa sex, intimacy o commitment. Maaari rin namang ang ahas sa iyong panaginip ay may kinalaman o may kaugnayan sa mga tao sa paligid mo na hindi mo pa lubos na kilala at hindi dapat pagkatiwalaan. Sa positibong persepsiyon, ang ahas ay nagre-represent ng healing, transformation, knowledge at wisdom. Ito rin ay nagsasaad ng self-renewal at positive changes.

Posibleng maranasanan ulit na may manira sa iyo bunga ng inggit, kaya maging maingat at kilatising mabuti ang mga taong nakakaharap mo.

Ukol naman sa bungang-tulog mo na ikaw ay hinahabol, posibleng nagpapakita ito na ikaw ay umiiwas sa sitwasyon na sa palagay mo ay hindi mo magagawa o wala kang mapapala. Kadalasan din na ito ay isang uri ng metaphor na nagsasaad ng iyong insecurity. Ang pagtakbo mo ay nagsasaad ng pag-iwas mo sa ilang isyu, hindi mo tinatanggap ang anumang responsibilidad sa mga bagay na nagawa mo. Ito ay may kaugnayan din sa hindi mo pagharap sa mga bagay na kinatatakutan. May pagkakataon na nakadarama ka ng kawalan ng pag-asa. Gawin mong produktibo ang iyong buhay, ang mga negatibong bagay sa iyo ay baligtarin at gawing positibo. Magkaroon ka ng tiwala sa sarili at mag-focus sa mga mithiin sa buhay.

Kapag nanaginip naman na mayroon kang pinatay, nagpapakita ito na tinatapos mo na ang old habit at ang iyong dating paraan ng pag-iisip. Maaari rin namang nagsasaad ito ng katapusan ng addiction sa isang bagay o isang gawa. Alternatively, maaari rin namang mayroon kang repressed aggression o rage sa iyong sarili o sa ibang tao. Dapat ding tandaan na ang ganitong mga klase ng panaginip ay kadalasang nagaganap sa panahon ng depresyon.

Señor H.