Marvelous Alejo, nahahasa ang talento sa Tropa Mo Ko Unli

SI Marvelous Alejo ay produkto ng Artista Academy search ng Kapatid Network noong 2012.

Nakagawa na siya ng tatlong indie films tulad ng Mangkukulob at Time In A Bottle na kapwa pinamahalaan ni Direk Ron Sapinoso. Siya rin ang tampok na bituin sa pelikula ni katotong Direk Ronald Rafer na pinamagatang Mga Pangarap Sa Kapirasong Papel.

Sa ngayon, si Marvs (nickname niya) ay kasali sa cast ng gag-show na Tropa mo Ko Unli ng TV5 at ayon sa 18 year old na dalaga ay nag-e-enoy siya rito.

“Super-enjoy po ako mag-comedy, super close po kami ni Ritz Azul na para po kaming magkapatid na. Si Kuya Alwyn Uytingco din po, plus, lahat naman po sa show. Si Kuya Ogie (Alcasid) napakabait po pati si Ate Gelli (de Belen) din po. Na-tututo po ako sa kanila lalo na kay Empoy, pati po sa mga bago naming kasama na sina Kuya Joey Paras, Tita Sweet (John Lapuz), at iba pa po.

“Kaya nagpapasalamat ako sa pagkakasali ko sa Tropa Mo Ko Unli. Dream ko po kasi talagang matuto pa sa acting at ma-recognize sa pagganap ng mga challenging roles,” saad pa ni Marvs.

ni Nonie V. Nicasio