Direk Wenn, never magpapakasal sa kapwa lalaki

ni EDDIE LITTLEFIELD

IN love na naman pala ngayon si Direk Wenn Deramas sa isang non-showbiz guy. ”May boyfriend ako ngayon, hindi celebrity. Three months na kami. Kaibigan siya ng kaibigan ko so nakita ko siya. Nakita ko ‘yung picture ng kaibigan ko na kasama siya. Sabi ko, ‘sino ‘yan?’ ‘Yun, may sarili siyang negosyo. Nandoon siya sa ‘Maria Leonora Teresa’, bisyo ko na ‘yung ilagay ko siya sa pelikula.”

Kahit gaano ka-inlove si Direk Wenn sa isang lalaki, never sumagi sa isipan niya ang magpakasal.

“Hindi ako naniniwala. Pinaghirapan ko ang yaman ko, ihahati ko sa kanila. May divorce sa abroad pero hindi maaaprobahan dito sa atin. Hindi ako naniniwala sa concept na ‘yun. ‘Yung kasal, sa babae at lalaki. Kapag nangyari pa sa aming mga bakla baka magpatiwakal kayong mga babae,” pabirong sabi ni Wenn D.

Sa mga past relationship ni Direk Wenn, kahit nagkahiwalay na sila, they end up friends. ”As a matter of fact, kaya kami magkaibigan n’yan kasi it’s bounce to happen, tanggap ko ‘yan. From the very start, walang forever. Magandang foundation ng isang tao na alam mong lahat na may katapusan. Alam mo ‘yun at ready ka. Kapag nangyari ang paghihiwalay, buo ka pa rin. Ibigay mo ng todo, naibigay mo ang lahat-lahat, wala kang regret. Kaya kami naging magkaibigan, wala akong sumbatan. Walang ganoon, naibigay mo, eh wala na. Parang toothpaste lang ‘yan, pindot ka ng pindot eh naubos. Bili ka ngayon ng bago. Hindi ako nauubusan ng pagmamahal,” pahayag ng magaling na director.