HATAW! D'yaryo ng Bayan hatawtabloid.com
ISANG reality TV show ang tamang-tama sa mga gustong maging beauty queen, ito ay ang Pinay Beauty Queen Academy na mapapanood tuwing Sabado, 9:45-10:45 p.m. sa GMA News TV.
Ang reality show ay ukol sa tunay na drama, challenges, at intriga para maging isang beauty queen. Ang beauty queen at singer na si Ali Forbes ang host nito kasama si Joy Viado.
Mentor naman ang mga dating beauty queen na sina Evangeline Pascual, Maria Isabel Lopez, Joyce Ann Burton, at Lara Quigaman.
Sa nakaraang five episodes, 20 kandidata ang humarap sa mabibigat na hamon tulad ng duckwalk sa putikan, catwalk sa mataas na hanging bridge, rappelling, military drills, at iba pang makapigil-hiningang challenges.
At ngayong Sabado, ang mga kandidata ay haharap naman sa mas nakatatakot na hamon—ang pagzi-zipline sabay sagot sa Question and Answer pagbaba ng zipline. Unang suspensiyon din (temporary elimination) ng mga kandidatang hindi nakasabay sa mga standard ng Academy sa Episode 6.
Abangan ang nakatutuwa at nakaiintrigang palabas na ito ngayong Sabado, 9.45 p.m. sa GMA News TV.
