HATAW! D'yaryo ng Bayan hatawtabloid.com
HINDI pa lumalamig ang sex scandal ni Camarines Norte Governor Edgardo Tallado sa madla heto meron na namang bagong sex scandal mula naman sa hanay ng Philippine National Police (PNP).
This time, isang waitress ang nagreklamo sa National Bureau of Investigation (NBI) laban sa isang police superintendent na kinilalang si Supt. Erwin Emelo, ang bagong hepe ng District Special Operations Unit ng Southern Police District (DSOU-SPD).
Biyernes pa lamang ay natanggap na natin ang impormasyon, kaya nag-post na tayo sa ating facebook account at hinihintay nga lang natin ang opisyal na reklamo dahil sabi nga maghahain ‘yung (mga) biktima.
Batay sa sinumpaang salaysay ng biktima, naganap ang panghahalay sa kanya, sa mismong opisina ni manyakol ‘este Kernel Emelo sa DSOU-SPD sa Taguig City, nitong Oktubre 23, dakong 2:00 ng hapon.
Ang 29-anyos na waitress ay kabilang sa mga babaeng sapilitang dinala ng grupo nina Emelo sa SPD sa Taguig City.
Kung susundan ang oras mula nang pasukin ng grupo ni Emelo ang Ms. Universe Club hanggang maisakatuparan ang umano’y panggagahasa sa waitress, umabot lang ito ng 12 oras.
Madaling araw (2:00 a.m.) nang salakayin nila ang Ms. Universe Club at 2:00 ng hapon, matagumpay na naisakatuparan ni Emelo ang panggagahasa sa waitress sa mismong opisina niya habang nakatalikod ang isa pang waitress na kaibigan ng biktima.
O baka naman pati ‘yung kaibigan na waitress ay tinikman pero hindi na lang nagsumbong sa takot.
Sinabi ng biktima, nang makita siya ni Emelo, agad hiningi ang kanyang mobile number at nang nasa loob na ng opisina ay nag-text sa kanya para siya ay papasukin sa loob.
Hindi sumunod ang biktima kaya ipinasundo siya sa isang pulis.
Pagpasok sa opisina, pinilit siya ni Emelo na magpahinga sa kwarto dahil madaling araw na nga pero tumanggi siya. Inalok siya na papasukin ang kaibigan kung natatakot umano siya.
Dahil sa pagod at antok napilitan na rin humiga ang dalawa para magpahinga, pero dahil naka-bestida nang maikli hindi mapakali ang waitress.
Inialok ni Emelo ang kanyang t-shirt at shorts ang biktima sabay sa-bing, “Huwag ka na mag-panty.”
Nang nakahiga na ang dalawang waitress, ilang beses binalik-balikan ni Emelo ang biktima at inalok na sila ay mag-sex.
Hanggang garapalang inalok ni Emelo na hindi isasama sa inquest ang dalawang waitress kung papayag sa libog ‘este gusto niya.
Bago mag-alas dos ng hapon ay napikon na umano si Emelo at sinabing, “gusto mo bang tutukan pa kita para sumunod lang sa gusto ko?”
Noon nahalata ni Emelo na natakot siya at agad na sumampa sa kanya habang inutusan ang isang waitress na tumalikod.
Dahil maluwag ang t-shirt at shorts madaling nahubad ni Emelo ang suot ng biktima hanggang tuluyang mailugso ang kanyang puri.
Unang nagreklamo ang biktima sa WCPU-CIDG sa Camp Crame pero naramdamn nila na hindi aaksyonan ang kanilang reklamo kaya lumipat ang mga biktima sa NBI.
Tsk tsk tsk …
SILG Mar Roxas, nalulungkot tayong masyado sa nangyayari sa mga ahensiyang nasa ilalim ng iyong responsibidad …
Ano ba talaga ang nangyayari sa DILG?!
