HATAW! D'yaryo ng Bayan hatawtabloid.com
BUMALANDRA kamakailan sa mga pahayagan at maging sa mga telebisyon ang isinagawang pag-raid ng NBI sa untouchable high-end na EMPEROR Club and KTV sa Remedios St., Malate, Maynila.
Kung hindi tayo nagkakamali, ilang mga babae at 40 Chinese prosti ang nai-rescue ‘kuno’ ng NBI sa isinagawang pagsalakay sa EMPEROR KTV.
Maraming taga-Immigration ang nagtatanong nga kung bakit hindi raw na-turn over sa kanila ang mga Chinese prosti girls for verification.
Ang sabi sa DSWD daw ini-turn-over ang mga babaeng singkit!? Bakeeet!?
Buong akala kasi ng mga urot sa MPD ay tuluyan nang maipapasara ang Emperor Club.
Isang maling akala lang pala?!
Wala pa kasing dalawang linggo ay OPEN at BACK to BUSINESS na agad ang EMPEROR KTV cum prosti club?!
What the fact!?
Ayon sa ating Bulabog boy, mas matindi ang seguridad at pag-iingat ng management ngayon ng EMPEROR CLUB. Mayroon sila ngayon 6 na BOUNCER na armado sa ibaba pa lang ng entrada ng building. May 4 na CCTV camera sa peri-meter at eeskortan ka ng isang bulldog ‘este boun-cer papasok sa entrance hanggang 2nd floor reception table.
Pagpasok ng 2nd floor kasama ang escort bouncer ay saka lang ipapasa sa dalawang house cum floor manager (isang babae at isang lalaki) depende sa hanap mong serbisyo.
Kapag KTV service lang ang unang hanap ay babaeng manager ang mag-a-assist sa ‘yo patu-ngo sa VIP room.
Mala-palasyo ang estilo ng mga KTV VIP rooms sa Emperor dahil mga kulay ginto ang malalaking sofa/couch at naglalakihang flat screen TV.
Pinakamababang room rate ay P10k pataas good for 2-4 persons hindi pa kasama ang table charge ng mga bebot.
At kung kailangan mo na ng mas matinding extra-service ay dito na papasok ang isang lalaking house manager cum bugaw na alyas BHIM (0999838….) na siyang magbibigay ng bebotsky sa ‘yo.
Depende pa rin sa presyo na kaya mo ang babaeng ibibigay sa ‘yo. Hindi pa kasama ang extra-service charge.
Ang mayayamang Intsik na customer at exclusive naman, sa kanila ang mga Chinese prosti na ipinapasok sa kuwarto na kunwari ay kasama nila na nagka-karaoke lang.
Dagdag ng Bulabog boy natin, sinabi ng isang GRO na ilang Chinese prosti at customer nila ay nagja-jamming session pa sa loob ng kuwarto. Halata raw na may ‘karga’ dahil hindi naman masyadong umiinom ng alak.
‘Yan daw ang dahilan kaya dinudumog ng mga Chinese at Korean gangster.
Sonabagan!!!
SOJ Leila de Lima,anyare ba talaga sa raid ng NBI sa club na ito!?
Just asking lang ho!
