HATAW! D'yaryo ng Bayan hatawtabloid.com
ISINUGOD sa pagamutan ang pito katao makaraan masunog ang isang condominium unit kahapon sa Lungsod Quezon.
Ayon kay Senior Supt. Jesus Fernandez, District Fire Marshall ng Bureau of Fire Protection ng Quezon City, nagsimula ang sunog bandang 12:32 p.m. sa basement ng Prince David Condo sa 305 Katipunan Avenue, Quezon City.
Kasalukuyang inaalam pa ang mga pagkakakilanlan ng mga biktima.
Sinabi ni Fernandez, agad nagliyab ang basement ng naturang condominium na pag-aari ng isang Lilibeth Villasis, 44, na imbakan ng basura.
Mabilis na inilikas ang ibang mga naninirahan sa condominium patungo sa isang evacuation center.
(JETHRO SINOCRUZ)
