HATAW! D'yaryo ng Bayan hatawtabloid.com
SINAKSAK ng dalawang beses ang isang 35-anyos beking beautician nang sumagot nang pabalang sa suspek nang gisingin at tanungin ang biktima habang natutulog sa bangketa ng Sta. Cruz, Maynila kahapon ng madaling-araw.
Nakaratay sa Jose Reyes Memorial Medical Center ang biktimang si Aries Ronquillo, tubong Pampanga, walang permanenteng tirahan sa Maynila.
Habang hindi pa nakikilala ang suspek na inilarawang payat ang pangangatawan, mahaba ang buhok at may taas na 5’5”.
Ayon sa ulat, naganap ang insidente dakong 3:35 a.m. sa bangketa ng Soler St. malapit sa Rizal Avenue, Sta. Cruz, Maynila.
“Ginising daw ‘yung biktima ng suspek at tinanong kung nasaan si Tisay na isang pick-up girl, pabalang daw na sinagot ‘yung suspek, nabwisit kaya sinaksak siya nang dalawang beses,” ayon kay SPO1 Anthony Campado.
(LEONARD BASILIO)
