October last year pa BF ni Ai Ai si Gerald

“Pogi naman pala ang bagong boyfriend ni Aiai. Mas pogi pa kaysa pinakasalan niyang si Jed Salang,” sabi ng isa naming source tungkol sa star player ng badminton na si Gerald Sibayan, na boyfriend na pala ni Aiai delas Alas noon pang Oktubre ng nakaraang taon. Siguro nga inilihim lang ni Aiai ang relasyon dahil katatapos nga lang na mapawalang bisa ang kanyang kasal kay Salang, at saka batambata nga ang bago niyang boyfriend. Natatakot din siguro siya sa sasabihin ng bashers.

Pero ano nga ba ang pakialam ng kahit na sino? Palagay namin wala namang issue sa pamilya ni Aiai, at mukhang okey din naman sa pamilya ni Gerald ang kanilang relasyon. Kung hindi tatagal ba naman ng ganyan iyan? Isa pa, aaminin ba ni Gerald ang relasyon kung may problema?

Pabayaan na lang ninyo si Aiai, dahil siguro nga kagaya ng kahit na sino, may karapatan din naman siyang lumigaya. Nagkaroon siya ng halos isang serye ng failed relationships, nakakita siya ng isa pang maaaring makapagpaligaya sa kanya and in spite of all the failed relationships in the past umaasa siya na this time ay magiging maligaya na siya. Bakit naman natin pakikialaman iyon?

Buhay niya iyan eh. Kung sabihin nga nila siyempre buntot nila hila nila. Pabayaan na lang natin kung saan sila maligaya.