HATAW! D'yaryo ng Bayan hatawtabloid.com
ni Nonie V. Nicasio
NAKAHUNTAHAN namin ang mag-asawang owner ng Nails.Glow na sina Ferdie and AJ Opeña sa birthday celebration ni katotong Roldan Castro at nalaman namin na ang dami na pala nitong branches.
Maganda ang success story ng mag-asawang Ferdie at AJ adahil nagsimula lang sila sa isang branch ng Nails.Glow noong 2009, pero ngayon ay around 35 branches na sila nationwide. Sa Metro Manila raw, aabot sa 25 ang branches nila.
Maganda ang tandem nila sa pagpapatakbo ng kanilang business. Paano ba nila ito nasimulan? “Unang-una, iyan ang passion naming mag-asawa, iyong magpa-spa. Tapos ako, number-one sa nails. So, sabi namin, titignan naming iyong demand,” saad ni Ms. AJ na siyang tumatayong General Manager nito.
Nilinaw pa niyang pang-masa ang level ng Nails.Glow. “Kasi kapag sinabing spa, parang pang-high end e. Pero kami, affordable talaga kahit sa mga housewife, students, o mga employee.”
Sinabi naman ni Mr. Ferdie kung bakit naging ganito ang name nila. “Kapag pumunta ka sa Nails.Glow, we won’t just provide you outside glow, but pati inner glow. So, mararamdaman mo iyong glow na ipo-provide ng aming services.”
Sa ngayon, kabilang sa mga celebrity na pinagpipilian nilang kuning endorsers ay sina Sarah Geronimo, Pauleen Luna, at Jennylyn Mercado.
“Ang napipisil namin, yung may exposure yung name dapat. So, usually ang mga singer ‘di ba, nagha-handle ng microphone? O kaya ay host, yun ang tina-target namin.
“Si Pauleen, kaya namin nakuha (sa inauguration ng isang branch), kasi may TV show siya, kaya may exposure siya sa network. Malaking network kasi kapag daily ang show mo.
“We’re eyeing Sarah Geronimo and also Jennylyn Mercado,” saad pa ni Mr. Ferdie.
