HATAW! D'yaryo ng Bayan hatawtabloid.com
ni John Fontanilla
MAS gusto na lang daw tumahimik ni Lovi Poe kaugnay sa napapabalitang feud nito sa girlfriend ng kanyang leading man na si Dingdong Dantes.
Ani Lovi, ”ayaw ko na lang magsalita about it kasi hindi naman talaga ako mahilig sa away, eh.
“I don’t wanna aggravate the situation. Nandito lang ako to give a good performance, nothing else.”
Idinagdag pa ni Lovi na,”It’s a waste of time. It’s a waste of energy.
“Ngayon, I’m just here, be professional. Nandito lang ako para magtrabaho. Hopefully, everybody can just be professional and mature about it.”
Ang taray ‘di ba?!
SHALALA, NAKAPAGPUNDAR NA NG MINI-GROCERY, BAHAY, AT SASAKYAN
NAKATUTUWA naman ang host/comedian na si Shalala dahil alam nito kung saan niya ilalagay ang mga kinita sa pag-aartista .At kahit nga ‘di tulad ng dati na sunod-sunod ang proyektong dumarating sa kanya ngayon ay happy na rin ang mabait na komedyano na hindi siya nawawalan ng raket.
Regular ding napakikinggan si Shalala sa kanyang radio program from Monday to Friday sa Radio Singko.
Ilan nga raw sa investments ni Shalala ay nakapagpagawa na ng bahay para sa kanya at sa kanyang pamilya, nakabili ng sasakyan, at ngayon ay mayroon na rin siyang mini-grocery na malapit sa kanila na tinututukan niya.
Pabiro nga nitong sinabi na boyfriend na lang daw ang wala sa kanya ngayon, anito nang makausap naming sa taping ng newest game show ni Richard Gomez sa TV 5 ang Quiet Please! Bawal Ang Mag-ingay! na magsisimulang mapanood sa Linggo, August 10 ng 8:00 p.m..
UNITED FASHION SHOW 2014, SA LINGGO NA!
MAGAGANAP sa August 10, Linggo, ang pagpapakilala sa newest endorsers via United Fashion Show 2014 ng Cardam‘s/Mario D Boro/Libertad, Robinsons Place Manila Midtown, Atrium 3:00-5:00 p.m..
Pangungunahan nina Richard Poon, Gretchen Ho, Arron Villaflor , Kim Rodriguez, at ng internet sensation UPGRADE (Kcee Martinez, Rhem Enjavi, Raymond Tay, Ron Galang, Armong Bernas, Miggy San Pablo, at Mark Baracael) ang fashion show.
Makakasama rin dito ang mga sikat na DJ na sina Kristine Dera, Mama Emma, Diego Bandido, Lyka Barrista, Raqi Terra, at Shai Tisai.
