HATAW! D'yaryo ng Bayan hatawtabloid.com
ni Peter Ledesma
Isang buwan na puno ng magic at mahaha-lagang aral ang hatid nina Vhong Navarro, Carmina Villarroel at Louise Abuel sa buong pamilya ngayong Agosto sa pagsisimula ng kanilang “Wansapanataym” special na pinamagatang “Nato de Coco” na halaw sa isa sa mga obra ng batikang comic master na si Rod Santiago.
Sa “Nato de Coco” na ipalalabas ngayong Linggo (Agosto 3), bibigyang-buhay ni Vhong ang karakter ni Oca, ang ama ni Nato (Louise), at isang mahusay na basketball player. Ngunit dahil sa kanyang pagiging abala sa kanyang ka-rera, mawawalan si Oca ng panahon para sa kanyang pamilya, lalo na sa kanyang anak na lubos na humahanga sa kanya.
Makababawi pa ba si Oca sa mga pagkukulang niya sa kanyang pamilya? Sa sandaling malagay ang buhay niya sa panganib, paano pa mapoprotektahan ni Oca ang anak na si Nato? Bahagi rin ng “Nato de Coco” sina Ella Cruz, Joshua Dionisio, Epi Quizon, at Yogo Singh.
Ito ay sa ilalim ng panulat ni Noreen Capili at direksyon ni Lino Cayetano. Sa ilalim ng produksyon ng Dreamscape Entertainment Television, ang original storybook ng batang Pinoy na “Wansapanataym,” ang longest-running at most-awarded fantasy-drama anthology ng ABS-CBN. Huwag palampasin ang pagsisimula ng “Wansapanataym Presents Nato de Coco” mamayang 6:45 p.m. pagkatapos ng “Goin’ Bulilit,” sa ABS-CBN.
Para sa karagdagang updates, mag-log on sa www.abs-cbn.com o sundan ang @abscbndotcom sa Twitter.
