Parada ng mga magaganda at seksi sa GRR TNT

BEAUTIRIFIC ang matutunghayang mga istorya sa Gandang Ricky Reyes Todo Na Toh (GRR TNT) ngayong Sabado sa GMA News TV, 9:00-10:00 a.m..

May interbyu si Mader Ricky sa nagwaging sina Ms. Philippines Earth 2014 Jamie Herrel, Ms. Philippines Earth Air Carmele Querrer, Ms. Philippines Earth Water Kimberly Covert, at Ms. Philippines Earth Fire Bianca Paz.

Isasalaysay ng mga kagandahang ito kung ano-anong paghahanda ang ginawa nila para makamit ang korona. Naniniwala sila na ‘pag may hirap may korona.

May sayaw para maging malusog at maligtas sa rayuma ang mga senior citizens at iba pang nakababata sa kanila ang Dance Divang si Regine Tolentino.

Dalawang dalagitang freshman sa high school ang isasalang sa Make Over Magic. Makikita sa mga ngiti ng mga tinedyer ang gulat at kasiyahan sa ginawang pag-aayos sa kanila mula ulo hanggang paa.

Alamin kung sino-sinong artista ang pinakabyuti, maiinit, at seksi sa kanilang henerasyon. Sila’y ibinoto ng mga manonood ng programa at ang highest 10 ay pararangalan ni Mader.

Basta usapang pangkagandahan, dapat kayong sumangguni sa GRR TNT na prodyus ng ScriptoVision. Sabi nga ng fans ni RR, “Mader knows best.”