PBA at Jam Liner, magkatuwang sa charity program

Ang JAM Liner, Inc. ay nakiisa sa Philippine Basketball Association sa kanilang charity program na naganap noong February 11, 2014 sa Philippine General Hospital.

Sila ay bumisita sa mga batang cancer patient upang mamahagi ng mga pagkain, inumin, vitamins, at aklat na mapaglilibangan ng mga bata habang sila ay nasa ospital.

Nagkaroon din sila ng simpleng program at puppet show na nakadagdag ng saya sa mga bata, hindi na rin nila pinalagpas ang pagkakataon na bisitahin ang iba pang mga pasyenteng naroroon.

Ilan sa mga PBA star player na nakibahagi sa programang ito ay sina Enrico Villanueva, Anthony Washington, at Erick Menk ng Global Port; Danny Ildefonso, Gary David, Rey Francis Guevarra, at Reynal Hugnatan ng Meralco Bolts; Eddie Laure, Gabriel Espinas, Christopher Excimiano, at Rafael Reyes ng Alaska Aces; Samuel Joseph Marata, Jason Deutchman, atPaulo Hubalde ng Petron Blaze Booster; at Mark Macapagal ng Barako Bull.