HATAW! D'yaryo ng Bayan hatawtabloid.com
“Si Kim (Chiu) na ba ang gaganap na Dyesebel? ‘Di ba si Jessy Mendiola?” ito ang iisang tanong sa amin.
Base sa kuwento sa amin ng mga nakaaalam, si Jessy daw ang alam nilang gaganap base sa unang napag-usapan ng management ng ABS-CBN kaya’t nagtataka kung paano napunta kay Kim Chiu?
Baka raw kasi may umeereng Maria Mercedes si Jessy kaya hindi na itinuloy ang pagkuha sa kanya dahil sa Pebrero na raw ieere ang Dyesebel ni Mars Ravelo.
“Unang sinabi talaga si Jessy, tapos ngayon si Kim na, ano ba ‘yun, nakalilito?” sabi ng aming kausap na taga-Dos.
Eh, ‘di ba nga Kristine Hermosa pa rati ang sabi na hindi naman pala pinayagan ni Oyo Boy Sotto dahil magpapakita ng katawan ang asawa.
Bagay din naman kay Jessy na maging Dyesebel dahil seksi at malaman kung ikukompara kay Kim at hindi rin siya nalalayo sa mga gumanap na tulad nina Alice Dixson, Charlene Gonzales-Muhlach, Batangas Governor Vilma Santos-Recto at iba pa na pawang mga Tisay.
‘Yun nga lang, kung kasikatan ang pag-uusapan, mas hamak na sikat si Kim kompara kay Jessy o kay Julia Montes lalo na kung product endorsement ang tinitingnan na makatutulong ng malaki sa programa niya.
May nagsabing bagay din daw si Kathryn Bernardo ang papel na Dyesebel dahil sa amo ng mukha nito at sikat din lalo’t kumikita nang husto ang Pagpag nila ni Daniel Padilla, ang kaso, hanggang Abril pa ang Got To Believe at hindi kaya ng ng aktres ang maglagare at hindi rin siya pakakawalan ng unit ni Ms Malou N. Santos.
Reggee Bonoan
