BINISTAY ng bala ang isang lalaking “top 6 drug personality” sa lungsod ng Pasay nitong Biyernes ng gabi. Kinilala ang biktimang si Dante De Paz, ng Apelo Cruz, Brgy. 157 ng nasabing siyudad, natagpuang may nakapatong na placard na may nakasaad na katagang “Pusher na ayaw tumigil, huwag tularan”. ( JAJA GARCIA )

BUMULAGTANG walang buhay ang dalawang hinihinalang tulak ng droga makaraan makipagpalitan ng putok sa mga awtoridad kamakalawa ng gabi sa Brgy. San Gabriel, Teresa, Rizal. Kinilala ang mga biktimang sina alyas Caloy at Mark Jayson Pasahol, pinaputukan ng mga pulis nang pumalag sa buy-bust operation dakong 11:45 pm sa nabanggit na barangay. ( ED MORENO )