Panaginip mo, Interpret ko: Matinding away kay mister

Gandang araw po sir,

S pnginip ko ay mdlas na mtndi ung away nmin ng aking mster, medyo nag-aalaala po tuloy ako, bkit po ba ganun? Sana ay mabasa ko ang sgot nio s HATAW, pls dnt post na lng po my cp # kol me Loiza, tnk u po

To Loiza,

Kapag nanaginip na ikaw ay nakikipag-away, ito ay nagsasaad ng inner turmoil. Ang ilang aspeto ng iyong pagkatao ay may conflict sa ibang aspeto ng iyong sarili. Maaaring dahil ito sa hindi pa nareresolba o hindi kinikilalang bahagi ng pagkatao mo na nakikipaglaban sa karapatan nito na madinig. Ito ay maaari rin na parallel sa pakikipaglaban o sa struggle na iyong pinagdadaanan sa estadong ikaw ay gising. Ang ganitong bungang-tulog din ay maaaring repleksiyon ng tunay na kalagayan ng inyong relasyon sa reyalidad ng asawa mo. Nagpapakitang may suliranin sa inyo na hindi ninyo hinaharap o kaya naman, may agam-agam ka sa inyong relasyon at nag-aalala ka sa kahihinatnan nito. Posible rin na ang rason nito ay kakulangan ng tiwala sa isa’t isa at kakulangan ng maayos na komunikasyon. Tandaan mo na ang isa sa mahalagang sangkap sa matiwasay na relasyon ay ang tiwala, kaya hindi ito dapat nawawala sa inyo. Makabubuting mag-usap ng mapayapa at masinsinan upang kayo ay magka-intindihan.

Señor H.