Failure of election sa Mindanao pinangambahan

HINAMON kahapon ni senatorial candidate at Leyte Rep. Martin Romualdez ang Department of Energy (DoE) na maglabas ng mga plano hinggil sa posibleng magaganap na failure of election sa Mindanao matapos ng sunod-sunod na pambobomba sa mga power transmission.

Sinabi ni Romualdez na dapat siguraduhin ng Aquino administration at ng DoE sa publiko na kaya ng gobyerno na kaya nilang sustinahan ang supply ng koryente lalong-lalo na sa darating na eleksiyon at kung hindi, ito ang maglalagay para ideklara ang sinasabing failure of election. 

“The DoE must assure the public that there will be adequate power supply on May polls especially in Mindanao,” ani Romualdez,

Ayon sa mambabatas, kung hindi mabibigyan ng agarang solusyon ang sunod-sunod na pambobomba  sa mga power transmission sa Mindanao ay may potensiyal na magkaroon ng failure of election. Ang nasabing rehiyon ay pangalawa sa may pinakamataas na voting population na may kabuuang 13 million botante. 

Nanawagan si Romualdez na bigyang-pansin ng gobyerno at papanagutin ang mga responsable sa pagpapasabog sa power transmission nang sa gayon ay maiwasan ang failure of election.

Dagdag ni Romualdez, ang gobyerno ang dapat gumawa ng paraan para mahuli ang mga responsable sa pagbobomba sa 18 power transmmision sa Mindanao nitong 2015. Kailangan itong mahinto, hulihin at papanagutin sa batas.