Pinay, asawang Egyptian tiklo sa Kuwait (250 kls. shabu, 4-K narcotic pills nakompiska)

INIHAHANDA na ang mga kasong isasampa laban sa isang Filipina at asawa niyang Egyptian sa Salimya, Kuwait makaraang madakip sa isinagawang drug-buy bust operation.

Ayon sa ulat, patuloy pang inaalam ang pangalan ng naturang Filipina at ang kanyang asawa.

Ayon sa Kuwaiti authorities, nakuha sa bahay ng mag-asawa ang 250 kilo ng shabu na nakasilid sa envelop at 4,000 narcotic pills na nagkakahalaga ng 2,000 Kuwait dinar o mahigit P314,000.

Sa impormasyon, napag-alaman na nagtatrabaho sa isang supermarket sa nasabing bansa ang nasabing Filipina at sideline niya ang pagbebenta ng ilegal na droga.

Halos P1-m shabu kompiskado sa raid sa Agusan Sur

BUTUAN CITY – Inihahanda na ng mga tauhan ng Agusan del Sur Police Provincial Office ang kasong isasampa laban sa isang hinihinlanag drug pusher makaraang makompiskahan sa kanyang bahay ng halos isang milyong pisong halaga ng ilegal na droga.

Nakompiska ng pulisya ang isang pouch na may lamang 13 sachets ng suspected shabu na tinatayang may bigat na 80 grams mula sa pamamahay ni Nurmallah Mamao Yusof, residente ng Purok 2-B, Borre St., sa Bayugan City at isa sa mga nasa drug watchlist ng pulisya.

Nagkakahalaga ito ng P944,000, at nakuha rin sa kanyang posisyon ang isang digital weighing scale at transparent na plastic sachets.