Teenager tiklo sa Comelec gun ban sa CamSur

NAGA CITY-Nananatili sa kustodiya ng mga awtoridad ang isang teenager makaraang mahulihan ng baril at mga bala sa isinasagawang Comelec gun ban operations ng mga awtoridad sa San Fernando, Camarines Sur.

Kinilala ang suspek na si John Kenneth Medina, 18-anyos, residente ng Brgy. Pamukid.

Nabatid na nakuha sa pag-iingat ng suspek ang isang handgun caliber .38 revolver na kargado ng limang live ammunitions.

Hindi na nakuha pang makapalag ng suspek dahil wala siyang naipakitang mga dokumento kaya agad hinuli ng mga awtoridad.

Sa ngayon, nakatakda nang kasohan ng paglabag sa Comelec Resolution No. 8714 o Comelec gun ban ang sa suspek.