Michael, pasok sa YFSF top five

DOBLENG masaya rin kami for Michael Pangilinan, ang aming ampon na very deserving na makapasok sa top five ng Your Face Sounds Familiar finals.

Dapat ay apat lang ang papasok mare, pero dahil nag-tie sila ni Denise Laurel sa ikaapat na puwesto, dalawa silang makikipaglaban sa finals at posibleng maging second grand winner ng reality show na una nang napanalunan ni Melai Cantiveros.

“Dark-horse,” sey ng mahal naming si papa Jobert Sucaldito, manager-nanay ni Michael nang itsika nito sa amin ang balita. Himala nga raw na pumasok si Kel (tawag kay Michael) though we said na kahit noong umpisa pa lang ay ramdam na naming aarangkada siya sa show.

Marami kasing pagkakataon Mareng Maricris na dapat ay mataas na score ang nakukuha ni Michael o iba pang deserving performers, pero dahil sa madalas na pagiging OA mag-judge ng mga juror, hayun, nagrarambulan sila.

But since back to square one ang pakontes na magaganap ngayong weekend, ibubuhos na namin ang suporta sa aming ampon na kung husay at galing din lang ang pag-uusapan eh ‘di hamak na nasa top talaga dapat!

Kaya sa mga naniniwala rin na gaya namin, sana naman ay mabigyan natin siya ng bonggang text support dahil bukod sa kabugan sa performances, eh kabugan ito ng text votes hahaha!

Ambetiously – Ambet Nabus