Claudine, ‘di itinago ang pagka-fan kay Dawn

NAKAAALIW naman ‘yung naging palitan ng mensahe nina Dawn Zulueta at Claudine Barreto sa kanilang social media accounts.

Hindi talaga inalintana ni Claudine ang pagiging fan niya ng magaling at magandang aktres na ayon pa nga kay Claudine ay next favorite at super idol niya afetr Ate Vi or Gov. Vilma Santos.

“I can’t wait to watch your movie ‘The Love affair’,” ang tila pa-promo pang emote ni Claudine na bongga ngang ini-acknowledge ni Dawn na halatang flattered sa papuri ng kapwa aktres.

Balitang masaya ang set ng comeback movie ni Claudine kasama sina Kris Aquino, Iza Calzado, at Kim Chiu.

Mas madalas daw ang tsikahan bago mag-take si direk Chito Rono dahil once raw na gumiling na ang mga kamera, wala raw dapat na “banong aktres” sa liga nila.

‘Yun na!

AMBETIOUSLY – Ambet Nabus