Crackdown sa jueteng maigting na kampanya ni Marquez

TINIYAK ni PNP chief, Director General Ricardo Marquez, kasama sa pinaigting na kampanya sa ilegal na mga pasugalan ang paglaban kontra jueteng.

Sinabi ni Marquez sa kanyang unang command conference sa mga opisyal ng PNP, kanyang iniatas ang pagpapaibayo sa kampanya sa lahat ng mga ilegal na aktibidad kasama ang patuloy pa ring pamamayagpag ng operasyon ng jueteng.

Kung maaalala, sa matagal na panahon at pagpapalit-palit ng PNP chief ay bigo pa ring masugpo ang ilegal na operasyon ng jueteng.