Kelot nabaril ng kapitbahay habang umiihi

NAGA CITY – Sugatan ang isang magsasaka nang mabaril ng kanyang kapitbahay habang umiihi sa Brgy. Dalahican, Lucena City kamakalawa.

 Kinilala ang biktimang si Crispin Adeser, 49-anyos.

 Sa nakalap na impormasyon, nakikipag-inoman ang biktima ngunit sandaling tumayo upang umihi.

 Sa pagkakataong iyon, nasa labas din ang isang kapitbahay at aksidenteng naiputok ang improvised firearm at tumama sa binti ng biktima.

 Nagpapatuloy ang imbestigasyon ng mga awtoridad sa insidente.