Kelot binoga sa lamayan (Nag-away sa pusoy)

KRITIKAL ang kalagayan sa pagamutan ng isang lalaki makaraan pagbabarilin ng kanyang kalugar nang magtalo habang naglalaro ng sugal na pusoy sa isang lamayan ng patay kahapon ng madaling araw sa Caloocan City.

Patuloy na ginagamot sa East Avenue Medical Center ang biktimang si Victor Pambid, 37, residente ng Lot 2, Avocado St., Brgy. 178, Camarin ng nasabing lungsod, sanhi ng mga tama ng bala ng hindi pa batid na kalibre ng baril sa iba’t ibang bahagi ng katawan.

Habang tinutugis ng mga awtoridad ang suspek na si Reynaldo Becine, alyas Nado, 50, ng 1122 B. Suha St., ng nasabing barangay, mabilis na tumakas makaraan ang insidente.

Batay sa ulat ni PO2 Rio Velez, dakong 2:20 a.m. nang maganap ang insidente sa lamayan ng patay sa nasabing lugar.

Magkalaban sa sugal na pusoy ang biktima at suspek nang bigla silang magtalo. Umuwi ang suspek ngunit nang bumalik ay may dalang baril saka pinaputukan ang biktima.

Rommel Sales