15-anyos nabaril ng 13-anyos pinsan

ZAMBOANGA CITY – Nasa kustodiya na ng pulisya ang 13-anyos binatilyo na aksidenteng nakabaril sa 15-anyos dalagita sa Magay St., Brgy. Zone 4 sa Zamboanga City kamakalawa.

Sa imbestigayson ng pulisya, ang baril na ginamit sa insidente ay pag-aari ng isang kasapi ng Philippine Navy na kinilalang si Sgt. Edris A. Mukattil, 37, residente nang nabanggit na lugar.

Nabatid na pinakialaman ng binatilyo ang baril sa lalagyan nito at aksidenteng nahawakan ang trigger kaya pumutok ito habang nasa harapan niya ang biktimang kanyang pinsan.

Patuloy na ginagamot sa Zamboanga City Medical Center (ZCMC) ang sugatang dalagita.

Habang isinailalim sa imbestigasyon ang sundalong may-ari ng baril para alamin kung ano ang kanyang naging pagkukulang na nagresulta sa insidente.