Jason, kontrabida sa Moon of Desire
ni Roldan Castro
[divider]
GAGANAP bilang kontrabida ang aktor na si Jason Abalos sa afternoon seryeng mas umaakit pa sa inyong mga puso na Moon of Desire sa huling tatlong linggo nito.
Si Ulric, na ginagampanan ni Abalos, ang lobong hahamon kina Ayla (Meg Imperial) at sa kanyang ama para mapabagsak ang huli sa pagiging hari ng mga lobo. Para maisakatuparan ang kanyang mga plano , kinakailangang makuha ni Ulric ang dalawa sa natitira pang limang kwintas ng kapangyarihan na nasa pag-aari ni Ayla.
Magtagumpay kaya si Ulric sa kanyang binabalak? Tuluyan na kayang tanggapin ni Ayla ang kanyang kapalaran at makipagsanib-puwersa sa ama sa napipintong laban ng mga lobo? Pakatutukan ang huling tatlong linggo ng Moon of Desire, Lunes hanggang Biyernes pagkatapos ng It’s Showtime sa Kapamilya Gold ng ABS-CBN.
