Mark, ipinagtanggol si Claudine

 

ni Roldan Castro

IPINAGTANGGOL ni Mark Anthony Fernandez ang ex-girlfriend niyang si Claudine Barretto. Ano ang nararamdaman niya ngayon na masyadong maraming problema ang aktres?

“Hindi ako naniniwala. basta naniniwala ako na kasisilang lang niya ng baby, mga 3 years ago. Matagal magpapayat, mga 2 years so nagpapapayat lang siya.’Yung mga tsismis, hindi naman ako naniniwala roon.”

So , mas pabor ba siya kay Claudine kaysa panig ni Raymart Santiago?

”Hindi ‘yun, eh,! ‘Yung nasa ABS pa lang siya noon, sinasabi laos na siya. Hindi  ako naniniwala sa mga ganoong bagay. Kumbaga, si Nora naman, hindi laos, hanggang ngayon, sikat pa rin siya,” matino niyang reaction.

Hindi rin daw siya naniniwala sa mga paratang ni Gretchen Barretto kay Claudine.

“ If ever, may sleeping problem siya, insomnia pero hindi sa mga ganoong stuff ,” bulalas pa ni Mark .

Natawa rin si Mark nang uriratin kung totoo bang pinagpapalo ni Claudine ng baseball bat ang kanyang sasakyan noong mag-away sila at magselos. Idinenay niya ito. Technically, wholesome daw lahat.

‘Di ba noong may relasyon sila, malaki rin ang naging epekto nito sa kanya?

“Ako talaga may pagka-Rhodora rin ako noong bata-bata ako. Naging eccentric ako. Ako ang may problema sa naging relationship namin. Kumbaga, ang dami kong iniisip na mga out of this world,” aniya pa.