Kris, nagbalik-The Buzz; Janice at Mina, wala nang show sa Dos

 

ni  Reggee Bonoan

‘SHE’S back’ ito ang tsika sa amin ng taga-ABS-CBN na ang tinutukoy ay si Kris Aquino sa programang The Buzz kasama si Boy Abunda.

Yes Ateng Maricris, nagbabu na ang Buzz ng Bayan noong Linggo kaya’t babu na rin sina Janice de Belen at Carmina Villaroel.

Hindi maliwanag sa amin kung nakailang season ang Buzz ng Bayan pero ang parati naming naririnig sa netizens ay hindi nila type ang nasabing programa at mas gusto pa rin ang konsepto ngThe Buzz.

Noong marinig naming ibabalik ang The Buzz at muling magtatambal sina Kuya Boy at Kris ay tinext namin ang Queen of all Media pero sinagot kami ng ‘no comment’.

At noong nakaraang linggo ay nag-post si Kris sa kanyang Instagram ng, ”True Love has a habit of coming back” at sa ibaba ay inilagay niyang May 18, 2014.

Tatlo kasi ang programang nakalagay sa kontrata ni Kris at dalawa lang ang umeere, Kris TV atAquino & Abunda Tonight kaya magiging pangatlo ang The Buzz na puro talk show lahat.

Tinext namin si Kris kung tuloy pa rin ang Aquino & Abunda Tonight maski may The Buzz at sinagot naman kami ng, ‘super LAKAS A & A of course MAINTAIN’.

So, ‘yun na!