Kathryn binigyan ng malaking TV si Mang Cardo

MA at PA
ni Rommel Placente

NAKATUTUWA naman si Kathryn Bernardo. Binigyan niya kasi ng malaking TV set si Pilipinas Got Talent Season 7 Grand Champion Cardong Trumpo. 

Shookt nga si Mang Cardo dahil kahit nga raw bagyong-bagyo at bumabaha ay ipina-deliver pa rin ni Kathryn sa bahay nila sa Dasmarinas, Cavite ang regalong TV.

Buong akala kasi ni Mang Cardo ay last treat na sa kanya nI Kathryn ‘yung pa-grocery sa kanya nito, ilang araw matapos ang grand finals ng Pilipinas Got Talent Season 7 kaya nagulat siya nang matanggap ang TV na ipina-deliver ng award-winning actress sa kanilang bahay.

Siguro, sobrang natuwa lang si Kathryn at humanga sa pagiging talented ni Mang Cardo sa paglalaro ng trumpo sa iba’t ibang style, kaya pinag-groery at biniii niya ito ng malaking TV.

Pero sa kabilang banda, sadyang matulungin talaga si Kathryn. Marami siyang tinutulungan na hihdi niya  lang ipinagsasabi/ipinamamalita. 

Na hindi gaya ng ibang artista, na kapag tumutulong ay ipinagsasabi at ‘yung iba, ang gusto ay may kamera pang nakatutok sa kanila. Ayaw ko na lang mag-mention kung sino-sino ang mga artistang ‘yun.