HATAW! D'yaryo ng Bayan hatawtabloid.com
PUSH NA’YAN
ni Ambet Nabus
HINDI mo talaga mapipigilan si Vice Ganda kapag may nais siyang sakyan na isyu.
Sa It’s Showtime kamakailan ay nagkasama-sama ang tatlong naging produkto ng PBB.
Sina Kim Chiu, Shuvee Etrata, at Fyang na may kanya-kanyang role sa show noong araw na ‘yun.
At dahil naging tampulan nga ng bashing si Fyang nang sabihin nitong the best PBB edition ‘yung sa kanila na naging big winner siya, nang-intriga nga si meme kina Kim at Shuvee.
Sinagot ni Shuvee ang boses ni “KUYA” na the best ang bawat isang edition at may kanya-kanyang strength ang bawat edition.
Si Kim naman na tinutukso ring magsalita pati nina Jhong Hilario et al ay nagsabing wala siyang gustong isagot dahil kanya-kanya nga iyan ng choice.
“At saka hello, sobrang iba ang time namin noon sa time nila ngayon,” ang more or less pa nitong komento.
Habang si Fyang na tila nakaupo na judge sa isang portion ay tawa lang ng tawa at tila ini-enjoy ang nasimulan niyang statement na ‘yung edition nga nila ang the best.
