Camille acting iiwan focus muna sa mga anak

MA at PA
ni Rommel Placente

NAGPAALAM na ang karakter ni Camille Prats bilang si Olive Caparas sa afternoon series ng GMA 7 na  Mommy Dearest, na matatapos na ngayong linggo.

Okey lang kay Camille na hindi na siya mapapanood sa serye dahil mas gusto niyang bigyan ng oras ang kanyang pamilya.

May dalawang anak si Camille sa asawang si VJ Yambao—sina Nala at Nolan. Bukod dito, may anak din siyang lalaki sa yumaong asawa na si Anthony Linsangan, si Nathan.

Sa kanyang Instagram page, ipinakita ni Camille ang ilang BTS o behind-the-scenes video at mga litrato na kuha sa set ng Mommy Dearest, kalakip ang mensahe para sa lahat ng sumubaybay sa programa.

“When GMA offered me this role, it wasn’t a difficult decision to make. What I didn’t realize was how much I had been longing–as an actress–to take on a character different from the ones I usually portray: the kind-hearted, often oppressed protagonist,” simulang caption ni Camille.

Patuloy pa ng aktres, “Playing Olive breathed new life into my passion for acting. I’m truly grateful to have explored this different side of my creativity.”

Pinasalamatan din niya si Direk Gina Alajar, sa walang sawa nitong paggabay sa kanya para mas mabigyan ng justice ang role ni Olive.

“A heartfelt thank you to direk @ginalajar for laying the foundation of this character and for your steady guidance, especially during our early taping days.”

Hindi rin niya nakalimutang magpasalamat sa mga kasamahan niya sa serye kabilang na sina Katrina Halili, Dion Ignacio, at Shayne Sava.