Sam ‘timing’ sa movie ang pagiging emosyonal

PUSH NA’YAN
ni Ambet Nabus

KAHIT ramdam ng marami ang pagiging emosyonal ni Sam Milby nang makapanayam ito ni Kuya Boy Abunda sa kanyang FastTalk program, hindi pa rin talaga mapipigilan ang netizen sa pagpuna sa “timing” nito.

May movie kasing showing kasama si Sam kaya’t ‘yung anggulong ‘promo’ ay napansin ng marami.

First time rin naming makita si Sam na carried away ng kanyang emotions at sa naging paglalahad niya ng nangyari sa kanila ni Catriona Gray, tunay namang nakapanghihinayang at masakit.

Although wala namang masyadong details na ibinigay tungkol sa hindi nila pagkakatuluyan as engaged couple, nilinaw lang ni Sam ang umano’y involvement ni Moira de la Torre, the alleged third party na walang katotohanan.

Nakakaloka, parang si Moira pa ang na-promote at hindi ‘yung movie. Nasayang lang ang mga luha at iyak ni Sam dahil para sa mga netizen, parang ang tagal nang nangyari ang hiwalayan nila ni Catriona.