Newbie actor nahihiyang i-claim na hawig ni Aga

PUSH NA’YAN
ni Ambet Nabus

NAPAKA-DISENTENG kausap ni Prince Carlos, isa sa mga Sparkle artist na very soon ay mapapanood sa mga Regal project sa kolaborasyon sa GMA 7.

Graduate ng St. Benilde ang guwapong binata na may anggulong hawig kay Aga Muhlach noong bagets days nito.

“May mga nagsasabi nga po, pero sobrang nakahihiya na i-claim,” ang natatawang sagot ni Prince sa naturang obserbasyon.

Dating MILO endorser si Prince noong bata pa siya at ng lumaki na nga ay naging basketball athlete habang nagmomodelo on the side bago siya nag-decide mag-showbiz.

“Childhood dream ko po talaga ang maging artista. Kaya sure ako na ito ang gusto kong gawing career,” sey nito. “Hmmm, in the next five years?,” sabay sagot nito sa tanong namin kung ilang taon ang ibinibigay niya sa sarili to hit it big in the industry.

Ilan sa mga nagawa na ni Prince ang Daddy’s Gurl, Boys of Summer ng GMA 7, ang movie na The Vigil, at mga Regal Studio Presents show, na very soon nga may mga bagong project kasama si Prince.

Good Luck Prince and Congratulations.