HATAW! D'yaryo ng Bayan hatawtabloid.com
PUSH NA’YAN
ni Ambet Nabus
PROUD si JD Aguas sa pagsasabing dahil lumaki siya sa teatro, wala siyang inhibitions sa mga eksenang mapangahas kahit mag-frontal nudity pa.
Ani JD sa presson ng Butas sa Viva Boardroom kamakailan, “For as long as kailangan po sa istorya, maayos ang pag-uusap sa direktor, walang isyu sa akin.”
Naniniwala rin si JD na kailangan ng consent ng both parties kapag may maseselang eksena na gagawin o ihahanda gaya ng pag-plaster at iba pa, para maiwasan ang pagsigaw ng ‘harassment, assault o exploitation’ na very common na nga ngayon sa mga gaya niyang naghuhubad at daring sa mga role.
And yes, kamag-anak niya si Nash Aguas though inamin niyang never siyang naging close rito kahit noong mga bata pa sila.
Happy si JD na kahit nasa VivaMax siya ngayon, ramdam pa rin niyang buong-buo ang kanyang pagka-disente dahil nagtitiwala siya sa mga co-worker niyang respetado at may magandang imahe sa industry gaya nina Albie Casino at direk Dado Lomibao at iba pa.
Isa si JD sa apat na bida ng pelikula na isinulat at idinirehe ni Dadona nakilala natin sa mga award-winning tv series sa Kapamilya channel simula pa sa Esperanza, hanggang sa Princess and I (na madalas akong lumabas hahaha!) at mga MMK series.
Butas ang first ever VivaMax project ni direk Dado kaya’t doble ang kanyang excitement na bukod tanging siAlbie lang ang maituturing niyang matagal nang nakatrabaho.
Kasama nina Albie at JD sa pelikula sina Angela Morena, at Angelica Hart.
