Jinggoy pinuputakte ng mga fake news

HATAWAN
ni Ed de Leon

SIKAT na sikat ngayon sa mga troll si Senador JInggoy Estrada. Mayroong nag-aakusa sa kanya ng pagiging isang Marcos Loyalist dahil umano ay umangat ang pamilya nila dahil mga nanungkulan silang mga opisyal noong panahon ng Martial Law ng mga Marcos.

Ang mas nakatatawa pa, at hindi naman namin mapaniwalaan ay iyong sinasabi ng isang blogger na noon daw makulong si Senador JInggoy sa Crame ay may sinasabing dalawang bagets na dumadalaw sa kanya, at isang taga-San Juan pa raw ang nagtsismis sa blogger na mahilig namang pumutak ng fake news. Iyon ang hindi na namin mapapaniwalaan, iyong sasabihin mong may bahid ang pagkalalaki ni Senador JInggoy? Matagal na naming kakilala iyan at napakalabo ng bintang na iyon ng maingay lang na blogger na kagaya ng kanyang amo na mura nang mura sa kanyang blog. Unang-una alam naman natin kung kanino siyang tauhan. Lahat masama sa kanya basta kalaban ng kanyang amo. Pero ang abuso ng kanyang amo panay ang pagtatakip niya. Iyan ay mga blogger na pabor na pabor din naman sa China.

Iyan ang agad na papayag basta ang PIlipinas ay idineklara na ring isang probinsiya ng China. Balik agad sa kanila si Alice Guo na lumaki sa farm sa Tarlac. Ganoon din si Huang Tzu Yen, ang lider ng maanomalyang Pharmallly na sumikat nang husto noong panahon ng pandemic bilang supplier ng gobyerno, na siyempre over priced lahat.

Naku ewan, kaya nga sinasabi namin sa inyo eh, huwag kayong mapagpaniwala sa mga nasa social media dahil karamihan diyan ang mga kuwento ay medya-medya lang.