Daniel ‘di pakakawalan ng Star Magic

HATAWAN
ni Ed de Leon

HINDI naman pala pakakawalan ng Star Cinema at Star Magic si Daniel Padilla. Agad nilang sinabi na sa susunod na buwan ay muli iyong pipirma ng kontrata sa kanila. Natural naman iyon dahil sa totoo lang wala silang ibang matinee idol na malaki kundi si Daniel, kahit na sinasabi pang nega siya simula noong mg-split sila ni Kathryn Bernardo.

Wala pa naman talagang mailalaban nang husto ang Star Cinema. Iyong kanilang balak ibala na si Donny Pangilinan, eh ngayon naghihingalo nga ang pelikula sa takilya. Kaya wala silang pinalabas na padded press release kung magkano ang kinita niyon sa unang araw. Kasi nga maliwanag na inilalampaso pa iyon ng mga extended festival entires na nasa fourth week na.

Ano pa nga ba ang iisipin mo? Talagang kailangan pa nila si Daniel sa ngayon. Kaya lang naman naghilahod ang mga huling pelikula ni Daniel eh kasalanan din nila, pagawin ba naman nila ng pagawin ng indie iyong bata eh alam naman nilang ayaw ng tao sa indie. Kung si Sharon Cuneta nga eh pingawa ng indie sa Vivamax naghilahod din eh, si Daniel pa ba?

Walang duda, inilagay nila si Daniel sa indie ni Charo Santos dahil akala nila sapat ang partisipasyon ni Daniel para kumita ang pelkulang iyon, eh hindi pala.