HATAW! D'yaryo ng Bayan hatawtabloid.com
HATAWAN
ni Ed de Leon
DAHIL siguro sa wala na siyang political support ngayon at wala na ring insider stories sa gobyerno dahil wala na ang kanyang alagang si Mocha sa puwesto, entertainment naman ang binabanatan ng vlogger na si Banat By.
Noong isang gabi ay nakita namin ang kanyang vlog na nagsasabing mali raw ang katuwiran ni Lea Salonga, dahil sanay din naman siya sa shows sa abroad lalo na noong kasama niya si Mocha, at talaga raw bahagi na ng show iyong pagkatapos ng palabas, iistambay muna ang mga peformer sa stage para sa mga gustong magpa-picture at magpa-autograph.
Tama ang sinasabi ni Banat By kung ang artista ay nasa katergorya ni Mocha. Pero iba si Lea. Kung sabihin nga ng mga Kano, siya ang legendary star ng Broadway. Kinilala si Lea bilang best actress ng lahat ng grupo ng mga kritiko sa New York at London, at sa loob ng panahong iyon ay grand slam siya sa lahat ng award pati na ang Laurence Olivier Award. At hindi mga hotoy-hotoy na award iyan. Kaya dahil diyan, may respeto maging ng mga Kano kay Lea, iba naman ang standards niya. Natitiyak namin na wala sa kontrata ni Lea iyong kailangan niyang magpa-picture sa mga fan o pumirma ng autograph pagkatapos ng show. Kahit naman anong tingin ang gawin mo, iba naman ang kategorya ni Lea kay Mocha. Si Mocha sumasayaw iyan kahit na sa mga make shift na stage sa mga probinsiya lalo na noong panahon ng kampanya ni Presidente Digong, kaya naman siya binigyan ng mataas na puwesto sa gobyerno.
Noong panahon naman ni Presidente Digong talagang maraming mga political appointees eh, iyong inilagay sa puwesto dahil sa utang na loob. Pero hindi ganoon si Lea. Sumikat siya on her own at inilagay niya sa mapa ang Pilipinas. Hindi niya ginamit ang Pilipinas para makilala. Kahit naman dito eh, kung sikat ang isang artista, mapapa-istambay mo ba sa stage para makipag-selfie lamang? Hindi. At ang mga artista kanya-kanyang kategorya iyan. Hindi dahil ginagawa ni Mocha, iyon ang standards. Eh mas maraming sikat kaysa kay Mocha.
